發燒疑雲

有時小朋友病真的無先兆，昨晚收到嬤嬤電話話樂兒寶寶個臉好紅，個身好燙，因為嬤嬤沒有探熱針，她只是單靠經驗(真厲害!!)看到寶寶臉容呆滯，就知她發燒了，就把退燒藥給寶寶吃，她睡了一回就精神好多了(真係多得嬤嬤勒！)；媽媽下班立刻去接樂兒寶寶睇醫生，原來真係發燒，燒到100度，是一般性病毒感染，這次也是她第一次發燒！我因為要加班，所以盡快也要九點幾才回到家裹！(辛苦媽媽了!)
回到家用探熱針探一探寶寶，有36.5度體溫，正常體溫是37度，即是退燒了；但醫生剛剛才說有發燒，點解禁快就退呢？我和媽媽開始懷疑探熱針是否壞了，因為平時不能check探熱針有無壞，要等真係發燒才知它work唔work；我們立刻打比Doris & Cyrus問意見，終於我留夜去Cyrus處取他的探熱針試試，結果探出來都係差唔多；原來Cyrus話BB仔體溫是比大人略高，所以我們覺得樂兒寶寶頭仔熱熱是正常的；可能我和媽媽都是第一次遇到寶寶發燒，所以杯弓蛇影吧！哈哈!!(感激Cyrus寶貴意見，朋友幾緊要呢!)
大家可以放心，你地睇D相就知樂兒寶寶無乜事了！除了有鼻水和個身又D慶外，都無乜大問題，都係keep住睇溫度！希望樂兒寶寶快D好返勒！